Наталля Каліцька

RSS Feed

Дажджлівае жніва

Яшчэ не ацэнена

Паспелі чарніцы - паспела і жыта.
Грымяць навальніцы над полем сярдзіта.
Цяжкое калоссе да долу прыпала,
Нібыта ніколі свабоды не знала.

Прамоклая ніва чакае ўмалоту,
Не хоча на жніва цярпець яна гнёту.
Ідзіце, грымоты, на землі сухія,
Рабіце налёты на землі другія.

Пашліце, нябёсы, нам яснае сонца,
Каб высахлі росы да самага донца,
Каб хлебнае поле ды пожняю стала,
Каб ліўняў ніколі яно не спазнала

Купальскае кола

Яшчэ не ацэнена

Коціцца кола лугам, сцяжынкай,
Сонца любуецца кожнай травінкай:
Мятаю, рутай, піжмай, падбелам,
Белаю кашкай, скрыпенем, кменам.

Коціцца кола полем, узлессем,
Тоіцца папараць-кветка ў лесе .
Кветку хто ноччу там адшукае,
Шчасце і долю навечна спазнае.

Коціцца кола ў цёмную ночку,
Ружа асыплецца сумна ў садочку.
В’юцца вяночкі дзявочай рукою,
Доля прадкажацца светлай ракою.

Коціцца кола ў самае лета,
Песня якому яшчэ недапета,
Потым пакоціцца зноў у Каляды,
Шлях усяленскай любові пачаты.

Сёмуха

Яшчэ не ацэнена

Адляцела вясна к небакраю
Белым пухам к вялікаму святу.
Намалаю зялёнага маю,
Прыбяру я на Сёмуху хату.

Мне вянок завіваць пазнавата.
Хай другія яго завіваюць!
Ад душы пачастую я свата,
Калі госці ў дом завітаюць.

Не бывае любові замнога.
Сонцам кожная кветка сагрэта.
Пачынаецца святам дарога
У вясёлае, звонкае лета.

Усе аўтары

Lazzaro
Грачанікаў Анатоль
Ляшчун Мікола
Свiрка Юрась
Аксёнчык Ніна
Грушэцкі Алег
Мінкін Алег
Станюш Таццяна
Акулін Эдуард
Гуреев Павел
Мазго Уладзімір
Стральцоў Міхась
Бiчэль-Загнетава Данута
Дабравольская Ангеліна
Малец Янусь
Стрыжак Віктар
Барадулін Рыгор
Дзеружынскі Авяр’ян
Марудаў Уладзімір
Сянкевiч Мiкола
Борскі Алесь
Дубашынская Ірына
Марук Уладзімір
Ті Ал
Брандт Сяргей
Дубовік Ганна
Мацулевіч Алесь
Трус Паўлюк
Броўка Пятрусь
Законнікаў Сяргей
Надольскі Павел
Хадарэнка Ірына
Бураўкін Генадзь
Зуёнак Васіль
Неўдах Лявон
Цвірка Таццяна
Воранава Людміла
Кірыенка Кастусь
Нядзведскі Уладзіслаў
Цыбульскі Кастусь
Вялюгін Анатоль
Каліцька Наталля
Півуноў Юрась
Шабовіч Мікола
Гілевіч Ніл
Кляўко Генадзь
Пазнякоў Міхась
Шаціла Віктар
Галоўчык Вікторыя
Колас Якуб
Панчанка Пімен
Шушко Анатоль
Гардзей Віктар
Кузнечык Андрэй
Паўлікава Людміла
Якубовіч Леанід
Гардзейка Уладзімер
Куляшоў Аркадзь
Пушча Язэп
Янішчыц Яўгенія
Гарун Алесь
Купала Янка
Разанаў Алесь
Яўменаў Леанід
Гарыца Ольгерд
Лойка Алег
Савуціна Вольга
Яцкоў Мікола
Гаўрусёў Сцяпан
Лось Еўдакія
Салтук Алег