Міхась Стральцоў

RSS Feed

На стозе бусел

Сярэдняя: 5 (1 голас)

Крамяныя грудастыя аблокі
Над пожняю, над лесам коціць дзень.
Жывое джгае порсткі авадзень,
А даль мігціць наміткай-навалокай.

На стозе — бусел макаўкаю лета:
He патрывожу, брат, вазьму правей!
Аднекуль затрашчыць матацыклетка —
I не чутно ўжо коніка ў траве.

Ды ціха зноў. I на душы прыветна.
Я зноўку тут. Благое ўсё міне.
Насустрач ты — гарачае паветра
Густой, дрыготкай хваляй — на мяне.

Скончылася лета

Сярэдняя: 5 (3 галасоў)

Дзень ціхі, дзень дрымотны, як вада.
Смуглява-залацісты. Цёплы промень
Забавіўся на твары. Так пчала
Апошні раз цалуе памяць кветак.
Скупой журботай дыхае зямля.
Лісток альховы, скурчаны лісток
Спіць у абдымку з мёртваю казюркай
I сонны бляск, і пробліск павуціння,
Вы здагадаліся: то скончылася лета.

Усе аўтары