Купальскі лівень
RSS FeedДождж у Вязынцы, лівень,
а светлы жа, светлы!
Каснікі намачылі
У сажалцы ветлы.
Ветлы-вербы, язміны,
вяргіні, анюткі
як чакалі такое
празрыстай мінуткі!
Як чакалі рабіны
у гронках няспелых
і дзяўчаты ў сукеначках
белых, ой, белых!..
Прычасаліся вербы,
стаўкі паглыбелі,
і дзяўчаты пад ліўнем,
дальбог, пастрайнелі.
А жанкі ў сарафанах
ад ліўня ўцякалі
і ў траве свае пацеркі
парассыпалі...
Хто там знойдзе ў купалках
жамчужную пацерку!
Пачакае малое
дамоў сваю мацерку...
Ёй сушыць сарафан,
ёй расчэсваць касу
ды Купалу дарыць
маладую красу!
Апошнiя водгукi
1 год 27 недель назад
3 года 6 недель назад
3 года 30 недель назад
3 года 32 недели назад
4 года 5 недель назад
5 лет 31 неделя назад
5 лет 31 неделя назад
5 лет 32 недели назад
5 лет 46 недель назад
6 лет 6 недель назад