Чэрвеньскі ранак
RSS FeedСпяшаюся...
Нібыта стог вяршу,
А за спіною — бізуны маланак.
У чэрвені
Мне асвяціў душу
Святлом зялёным
Аксамітны ранак.
Святочна нада мной звінеў жаўрук.
Над гаем зелянелі аблачыны
I быў святочны іх павольны рух
У гэтыя святочныя хвіліны.
I я, шчаслівы светлай нематой
Травы, і дрэў,
I сонечнага ззяння,
Паміж святочным небам і зямлёй
Святочна плыў у чэрвеньскае ранне,
У свет,
Дзе многа урачыстых свят,
I мітусні, і рознай блытаніны,
Шчаслівы,
Што,
Перш чым узяць назад,
Прырода дорыць гэтыя хвіліны.
Апошнiя водгукi
4 года 14 недель назад
5 лет 45 недель назад
6 лет 17 недель назад
6 лет 19 недель назад
6 лет 44 недели назад
8 лет 18 недель назад
8 лет 18 недель назад
8 лет 19 недель назад
8 лет 34 недели назад
8 лет 46 недель назад