Былі сярпы вясёлыя ў жніва...
RSS FeedБылі сярпы вясёлыя ў жніва.
Як Млечны Шлях, іржысцілася ніва.
I туманоў старых начное сніва
Разгадвалася раніцай знава.
Хацела быць зялёнаю трава.
А быльнягова ўжо сівела грыва.
I перапёлку слухала раўніва
Жняя жыгучая, што крапіва.
Усмак нагасцяваўшыся ў прылецці,
Далёкае ад страт зямных і звад,
Глядзела неба, як жыруюць клеці.
Сноп, жніўнай песняю падперазаны,
I пузацеў, і вусацеў, як сват,
Ад рупатлівай ласкі і пашаны.
Апошнiя водгукi
4 года 44 недели назад
6 лет 23 недели назад
6 лет 47 недель назад
6 лет 49 недель назад
7 лет 22 недели назад
8 лет 48 недель назад
8 лет 48 недель назад
8 лет 49 недель назад
9 лет 11 недель назад
9 лет 24 недели назад